இதற்கு முன்னர் நாம் சில கோணாசன வகைகளைப் பார்த்திருக்கிறோம். இன்று நாம் பார்க்கவிருப்பது உபவிஸ்த கோணாசனம். வடமொழியில் ‘உபவிஸ்த’ என்றால் ‘அமர்ந்த’ என்றும் ‘கோண’ என்றால் ‘கோணம்’ என்றும் பொருள். உபவிஸ்த கோணாசனம் ஆங்கிலத்தில் Wide Legged Seated Forward Fold என்றும் Wide Angle Seated Forward Bend என்றும் அழைக்கப்படுகிறது.
உபவிஸ்த கோணாசனத்தில் மூலாதாரம், சுவாதிட்டானம், மணிப்பூரகம், குரு, ஆக்ஞா மற்றும் சஹஸ்ரார சக்கரங்கள் தூண்டப்படுகின்றன. இவ்வாசனத்தைத் தொடர்ந்து பயின்று வர சக்கரங்களின் இயக்கம் மேம்பட்டு உடல் நலம் பாதுகாக்கப்படும். சக்கரங்களைப் பற்றிய விரிவான பலன்களை விரைவில் பதிவேற்றம் செய்கிறோம்.
உபவிஸ்த கோணாசனத்தின் மேலும் சில பலன்கள்
- முதுகுத்தண்டின் நெகிழ்வுத்தன்மையயையும் உறுதியையும் அதிகரிக்கிறது
- முதுகுத் தசைகளை வலுவாக்குகிறது
- கழுத்துத் தசைகள் உறுதியாக்குகிறது
- இடுப்புப் பகுதியை பலப்படுத்துகிறது; இடுப்பின் நெகிழ்வுத்தன்மையை அதிகரிக்கிறது
- வயிற்று உள்ளுறுப்புகளின் செயல்பாடுகளை மேம்படுத்துகிறது
- வயிற்று தசைகளை உறுதியாக்குகிறது
- அடி முதுகு வலியைப் போக்குகிறது
- கால்களின் நெகிழ்வுத்தன்மையை அதிகரிப்பதோடு கால்களைப் பலப்படுத்தவும் செய்கிறது
- சிறுநீரகங்களின் இயக்கத்தைச் செம்மையாக்குகிறது
- மாதவிடாய் கோளாறுகளை சரி செய்வதோடு மாதவிடாய் காலத்து வலிகளைப் போக்கவும் உதவுகிறது
- சையாடிக் வலியைப் போக்க உதவுகிறது
- மூட்டுக்களைப் பலப்படுத்துகிறது
- தூக்கமின்மையைப் போக்குகிறது
- மனதை அமைதிப்படுத்துகிறது
செய்முறை
- விரிப்பில் அமர்ந்து கால்களை நேராக நீட்டவும்.
- கால்களை பக்கவாட்டில் விரிக்கவும். கால்களை விலக்கும் போது கால் முட்டியும் கால் விரல்களும் மேல் நோக்கி இருக்க வேண்டும்.
- மூச்சை உள்ளிழுத்து உள்ளங்கைகளை முன்னால் உள்ள தரையில் வைக்கவும்.
- மூச்சை வெளியேற்றியவாறு முன்னால் குனியவும். முன்னால் குனியும் போது கைகளைப் பாதங்களை நோக்கி நீட்டவும்.
- மெதுவாக முன்னால் குனிந்து கால் பெருவிரல்களைப் பிடித்து நெற்றியைத் தரையில் வைக்கவும்.
- 20 வினாடிகள் இந்நிலையில் இருக்கவும்.
- மூச்சை உள்ளிழுத்தவாறு கால் பெருவிரல்களை விடுவித்து நிமிர்ந்தவாறு கைகளைத் தரையில் வைக்கவும். கால்களை அருகருகே வைத்து ஆரம்ப நிலைக்கு வரவும்.
குறிப்பு
தீவிர முதுகுத் தண்டு கோளாறு, தீவிர முதுகுப் பிரச்சினை மற்றும் இடுப்புப் பிரச்சினை உள்ளவர்கள் உபவிஸ்த கோணாசனம் செய்வதைத் தவிர்க்கவும்.
முன்னால் குனிவது கடினமாக இருந்தால் மடித்த கம்பளம் அல்லது yoga block ஒன்றின் மேல் அமர்ந்து பயிலலாம். முட்டிக்குக் கீழ் மடித்த கம்பளம் அல்லது yoga block வைத்தும் இவ்வாசனத்தைப் பயிலலாம்.
இன்று ஒரு ஆசனம் (98) – த்ரியங்க முக ஏக பாத பஸ்சிமோத்தானாசனம் (One Leg Folded Forward Bend)
வடமொழியில் ‘த்ரி’ என்றால் ‘மூன்று’, ‘அங்க’ என்றால் ‘அங்கம்’, ‘முக’ என்றால் ‘முகம்’, ‘ஏக’ என்றால் ‘ஒன்று’, ‘பாத’ என்றால் ‘பாதம்’, ‘பஸ்சிமா’ என்றால் ‘மேற்கு’, ‘உத்தானா’ என்றால் ‘மிகுவாக நீளுதல்’ என்று பொருள்.
இன்று ஒரு ஆசனம் (96) – இராஜ புஜங்காசனம் (King Cobra Pose)
இதற்கு முன்னர் நாம் புஜங்காசனம் செய்முறை மற்றும் பலன்கள் குறித்துப் பார்த்திருக்கிறோம். இன்று நாம் பார்க்கவிருப்பது இராஜ கபோடாசனம் போன்றதொரு சவாலான ஆசனமான இராஜ புஜங்காசனம் ஆகும். வடமொழியில் ‘புஜங்க’ என்றால் ‘பாம்பு’ என்று
இன்று ஒரு ஆசனம் (95) – விபரீதகரணீ (Legs Up the Wall Pose)
ஆசனங்களின் அரசன் என அழைக்கப்படும் சிரசாசனம் மற்றும் ஆசனங்களின் அரசி என்று அழைக்கப்படும் சர்வாங்காசனம் ஆகியவற்றைப் பயில முடியாதவர்கள் விபரீதகரணியைப் பயில்வதன் மூலம் மேற்கண்ட ஆசனங்களின் பலன்களின் பெரும்பாலானவற்றை அடையலாம். இவ்வாசன நிலையை மிக
