இன்று ஒரு ஆசனம் (23) – சுப்த வஜ்ஜிராசனம் (Supine Thunderbolt Pose)

செய்முறை

• வஜ்ஜிராசனத்தில் அமரவும். பின், கால்களை விரித்து வீராசன நிலைக்கு வரவும்.
• கால் பாதங்களை கைகளால் பிடித்து கொள்ளவும்.
• உங்கள் முன்கைகளை தரையில் வைத்து பின்னால் மெதுவாக சாயவும்.
• மேலும் நன்றாக சாய்ந்து தரையில் படுக்கவும்.
• இப்பொழுது உங்கள் கைகளை தலைக்கு பின்னால் கொண்டு வந்து வலது தோளை இடது கையாலும் இடது தோளை வலது கையாலும் பற்றி முன்கைகளை தரையில் வைக்கவும்.
• 30 வினாடிகள் முதல் ஒரு நிமிடம் வரை இந்த நிலையில் இருக்கவும்.
• குறிப்பிட்ட நேரம் இந்த நிலையில் இருந்த பின் பாதங்களைப் பற்றி எழுந்து பின் கால்களை சேர்த்து வஜ்ஜிராசன நிலைக்கு வரவும்.

குறிப்பு

பின்னால் சாய்ந்து தரையில் படுக்க முடியாதவர்கள், ஒரு தலையணை அல்லது yoga block ஒன்றை முதுகுக்கு பின்னால் வைத்து அதன் மேல் படுக்கலாம்.

வஜ்ஜிராசனம் அல்லது வீராசன நிலையில் கால்களை வைக்க கடினமாக இருந்தால் கணுக்கால்களின் கீழ் தலையணை, தடித்த விரிப்பு அல்லது yoga block வைத்து அமரவும்.

கால் முட்டியிலும், இடுப்பிலும் தீவிர பிரச்சினை உள்ளவர்கள் இந்த ஆசனம் பயில்வதைத் தவிர்க்கவும்.

துளசியின் மருத்துவ பலன்களைப் பற்றி படிக்க, இந்தப் பக்கத்திற்குச் செல்லவும்.