இன்று ஒரு ஆசனம் (39) – அர்த்த ஊர்த்துவ உபவிஸ்த கோணாசனம் (Half Upright Seated Angle Pose)

வடமொழியில் ‘அர்த்த’ என்றால் ‘பாதி’, ‘ஊர்த்துவ’ என்றால் ‘மேல் நோக்கும்’, ‘உபவிஸ்த’ என்றால் ‘அமர்ந்த’ மற்றும் ‘கோணா’ என்றால் ‘கோணம்’ என்றும் பொருளாகும். இந்த ஆசனத்தில் அமர்ந்திருக்கும் நிலையில் ஒரு காலை உயர்த்துவதால் இந்த பெயர் பெற்றது.

அர்த்த ஊர்த்துவ உபவிஸ்த கோணாசனம் முதுகுத்தண்டைப் பலப்படுத்துகிறது. தொடர்ந்து இவ்வாசனத்தைப் பயிலும் போது மனம் ஒருநிலைப்படுகிறது.

அர்த்த ஊர்த்துவ உபவிஸ்த கோணாசனத்தின் மேலும் சில பலன்கள்

• வயிற்று உள்உறுப்புகளின் செயல்பாடுகளைச் செம்மையாக்குகிறது.
• இடுப்புப் பகுதியை பலப்படுத்துகிறது.
• இடுப்பின் நெகிழ்வுத்தன்மையை (flexibility) அதிகரிக்கிறது.
• கால்களை பலப்படுத்துவதோடு நீட்சியடையவும் (stretch) வைக்கிறது.
• சையாடிக் வலியைப் போக்குகிறது.
• மன அழுத்தத்தைப் போக்குகிறது.