இதற்கு முன் நாம் பார்த்த சேதுபந்தாசனம் என்கிற ஆசனத்தின் ஒரு மாற்று முறைதான் சதுஷ் பாதாசனம். வடமொழியில் ‘சதுஷ்’ என்பதற்கு ‘நான்கு’ என்றும் ‘பாத’ என்பதற்கு ‘பாதம்’ என்றும் ‘கால்’ என்றும் பொருள். இவ்வாசனம் ஆங்கிலத்தில் Four-footed Pose என்று அழைக்கப்படுகிறது.
சதுஷ் பாதாசனத்தில் மூலாதாரம், மணிப்பூரகம், அனாகதம் மற்றும் விசுத்தி ஆகிய சக்கரங்கள் தூண்டப்படுகின்றன. இதன் விளைவாக, நிலையான தன்மை, படைப்புத் திறன் வளர்கின்றன. அன்பும் கனிவும் வளர்கின்றன. பிரபஞ்ச சக்தியைக் கவரும் திறன் உருவாகிறது. தொடர்பாடல் திறன் மேம்படுகிறது. தன் எண்ணங்கள் மற்றும் உணர்வுகளைத் தெளிவாக வெளிப்படுத்தும் திறன் அதிகரிக்கிறது.
சதுஷ் பாதாசனத்தின் மேலும் சில பலன்கள்
- முதுகுத்தண்டை நீட்சியடையச் செய்கிறது
- முதுகுத் தசைகளைப் பலப்படுத்துகிறது
- கழுத்து, மார்பு பகுதிகளை விரிக்கிறது
- கைகளை நீட்சியடையச் செய்வதுடன் வலுப்படுத்தவும் செய்கிறது
- தோள்களை நீட்சியடையச் செய்கிறது, அவற்றின் நெகிழ்வுத்தன்மையை அதிகரிக்கிறது
- தைராய்டு சுரப்பியின் செயல்பாடுகளை மேம்படுத்துகிறது
- நுரையீரலைப் பலப்படுத்துகிறது
- இருதய இயக்கத்தைச் சீராக வைக்க உதவுகிறது
- அதிக இரத்த அழுத்தத்தைச் சரி செய்ய உதவுகிறது
- இடுப்பின் நெகிழ்வுத்தன்மையை அதிகரிக்கிறது
- வயிற்று உள்ளுறுப்புகளின் நலனைப் பாதுகாக்கிறது
- சீரண இயக்கத்தை மேம்படுத்துகிறது
- தலைவலியைப் போக்க உதவுகிறது
- மாதவிடாய் நிற்கும் காலத்தில் ஏற்படும் உபாதைகளைப் போக்க உதவுகிறது
- கால் வலியைப் போக்குகிறது; கால்களைப் பலப்படுத்துகிறது
- உடல் அசதியைப் போக்குகிறது
- தூக்கமின்மையை சரி செய்கிறது
- மன அழுத்தத்தைப் போக்குகிறது
- மனதை அமைதிப்படுத்துகிறது
செய்முறை
- விரிப்பில் படுக்கவும். கால்களை மடக்கி இரண்டு பாதங்களையும் தரையில் வைக்கவும். கணுக்கால், முட்டிக்கு நேர் கீழே இருக்க வேண்டும். கைகள் நீட்டியிருக்க வேண்டும்.
- கைகளால் கணுக்கால்களைப் பற்றிக் கொள்ளவும்.
- மூச்சை உள்ளிழுத்தவாறு பாதங்களையும் கைகளையும் தரையோடு அழுத்தி இடுப்பை மேல் நோக்கி உயர்த்தவும்.
- தோள்களை விரிக்கவும்.
- ஒரு நிமிடம் இந்நிலையில் இருக்கவும். ஆசன நிலையிலிருந்து வெளியேற, இடுப்பைத் தரையில் வைத்து, கணுக்கால்களை விடுவித்து கால்களை நீட்டவும்.
குறிப்பு
தோள் அல்லது கழுத்தில் தீவிர பிரச்சினை உள்ளவர்கள் சதுஷ் பாதாசனம் செய்வதைத் தவிர்க்கவும்.
இடுப்பை மேல் நோக்கி உயர்த்துவது கடினமாக இருந்தால், இடுப்பிற்கு அடியில் yoga block அல்லது மடித்த கம்பளம் ஒன்றை வைத்து ஆசனத்தைப் பழகவும்.
கைகளால் கணுக்கால்களைப் பிடிக்க முடியவில்லை என்றால் yoga strap-ஐப் பயன்படுத்தி, அதைக் காலில் சுற்றி கைகளால் பிடிக்கவும்.
இன்று ஒரு ஆசனம் (89) – துவபாத தனுராசனம் (Bridge Pose on Elbows)
சேதுபந்தாசனத்தின் மாற்று முறை ஆசனத்தில் ஒரு வகையான சதுஷ் பாதாசனம் பற்றி நேற்று பார்த்தோம். இன்று நாம் பார்க்கவிருக்கும் துவபாத தனுராசனமும் சேதுபந்தாசனத்தின் ஒரு மாற்று வகையாகும். வடமொழியில் ‘துவ’ என்றால் ‘இரண்டு’, ‘பாத’
இன்று ஒரு ஆசனம் (87) – மகராசனம் (Crocodile Pose)
குப்புறப் படுத்த நிலையில் ஓய்வாசனம் செய்வது பற்றி என்ன நினைக்கிறீர்கள்? ஆம், இன்று நாம் பார்க்கப் போகும் மகராசனம் குப்புறப் படுத்த நிலையில் உடலுக்கு ஓய்வு தருவதுதான். வடமொழியில் ‘மகர’ என்பது முதலையைக் குறிக்கும்
இன்று ஒரு ஆசனம் (86) – சலபாசனம் (Locust Pose / Grasshopper Pose)
குப்புறப் படுத்து செய்யும் ஆசனங்களில் ஒன்றான சலபாசனம் அற்புதமான பலன்களைத் தரக்கூடியதாகும். வடமொழியில் ‘சலப’ என்றால் ‘வெட்டுக்கிளி’ என்று பொருள். இது ஆங்கிலத்தில் Locust Pose மற்றும் Grasshopper Pose என்றும் அழைக்கப்படுகிறது. சலபாசனம்,
