இரவில் ஆழ்ந்த உறக்கம் கொள்ளாதவர்களை நோய்கள் பீடிக்கும் என்பதை அன்றே சித்தர்கள் பின்வரும் பாடல் மூலம் கூறியுள்ளனர்.
“சித்த மயக்கஞ் செறியும் புலத்தயக்க மெத்தனுக்
கமைந்த மென்பவை களித்தமுற வண்டுஞ் சிலரை
நாயாய்ப் பன்னோய் கவ்வுமிராக் கண்டுஞ் சிலரை
நம்பிக் காண்.”
அதாவது, வேட்டை நாய்கள், இரையைக் கவ்வுவது போல, இரவில் ஆழ்ந்த உறக்கம் கொள்ளாதவர்களை புத்தி மயக்கம், தெளிவின்மை, அய்ந்து புலன்களிலும் சோர்வு, செரியாமை, மலச்சிக்கல் போன்ற நோய்கள் எளிதில் பற்றிக் கொள்ளும் என்று சித்தர்கள் கூறியுள்ளனர். தூக்கமின்மை பல்வேறு உடல், மன பிரச்சினைகளுக்கு அடிப்படையாகிறது. சமச்சீரான உணவு, உடற்பயிற்சி மற்றும் வாழ்க்கை முறையில் மாற்றங்களை ஏற்படுத்திக் கொள்வதன் மூலம் இரவில் ஆழ்ந்த நித்திரையைப் பெற முடியும். தூக்கமின்மையைப் போக்கும் சிறந்த யோகாசங்கள் பயில்வது நல்ல விளைவைத் தரும்.
தூக்கமின்மைக்கான காரணங்கள்
தூக்கமின்மை ஏற்படுவதற்கான காரணங்களில் சில:
- முறையான உறக்க நேரத்தைக் கடைப்பிடிக்காமல் இருத்தல்
- மன அழுத்தம்
- தாமதமாக இரவு உணவு அருந்துதல்
- உடல் வலி, பெண்களுக்கு மாதவிடாய் காலத்தில் ஏற்படும் வலி போன்றவை
- நுரையீரல் கோளாறு, இருதய கோளாறு, தைராய்டு அதிகமாகச் சுரத்த்ல் உள்ளிட்ட மருத்துவ காரணங்கள்
தூக்கமின்மையால் ஏற்படும் பாதிப்புகள்
தொடர்ந்து ஆழ்ந்த உறக்கம் இல்லாது போனால் ஏற்படும் விளைவுகளில் சில:
- மலச்சிக்கல்
- செரியாமை
- நோய் எதிர்ப்புத் திறன் குறைதல்
- நுரையீரல் கோளாறுகள் உண்டாவதற்கான சாத்தியங்கள்
- அதிக இரத்த அழுத்தம்
- இருதய நோய்கள் ஏற்படுவதற்கான சாத்தியங்கள்
- இரத்தத்தில் சர்க்கரை அளவு கூடுதல்
- உடல் எடை கூடுதல்
- எதிலும் ஈடுபாடற்ற தன்மை
- கவனக் குறைபாடு
- சிடுசிடுப்பு, எரிச்சல் போன்ற மனநிலை மாற்றங்கள்
- மன அழுத்தம்
- பதட்டம்
தூக்கமின்மையைப் போக்கும் ஆசனங்கள்
யோகப் பயிற்சி செய்வதால் உடலும் மனதும் அமைதியடைகின்றன. வலி போன்ற உடல் உபாதைகளை ஆசனங்கள் போக்க உதவுகின்றன. மேலும் வாழ்க்கை முறையை சீரானதாக்கவும் ஆசனப் பயிற்சிகள் உதவுகின்றன. இரவு படுக்கப் போகும் போது தான் தினசரி வாழ்வின் கவலைகளை மனது அசைப்போடத் தொடங்கும். இதனால் தூக்கமும் தள்ளிப் போகும். ஆசனப் பயிற்சி செய்வதால் மனதை நாம் செய்யும் வேலையில் முழுமையாக ஈடுபடுத்த முடிகிறது. இதை mindfulness என்று கூறலாம். ஆசனப் பயிற்சி இதை சாத்தியப்படுத்துவதன் மூலம் ஆழ்ந்த உறக்கம் கொள்ள உதவுகிறது.
தூக்கமின்மையைப் போக்கும் எளிய ஆசனங்கள்:
1) உத்தானாசனம்
உத்தானாசனம் பலன்கள் மற்றும் செய்முறைக்கு இந்தப் பக்கத்திற்குச் செல்லவும்.
2) பாலாசனம்
பாலாசனம் பலன்கள் மற்றும் செய்முறைக்கு இந்தப் பக்கத்திற்குச் செல்லவும்.
3) ஜானு சிரசாசனம்
ஜானு சிரசாசனம் பலன்கள் மற்றும் செய்முறைக்கு இந்தப் பக்கத்திற்குச் செல்லவும்.
4) பஸ்சிமோத்தானாசனம்
பஸ்சிமோத்தானாசனம் பலன்கள் மற்றும் செய்முறைக்கு இந்தப் பக்கத்திற்குச் செல்லவும்.
5) பத்த கோணாசனம்
பத்த கோணாசனத்தின் பலன்கள் மற்றும் செய்முறைக்கு இந்தப் பக்கத்திற்குச் செல்லவும்.
6) சேதுபந்தாசனம்
சேதுபந்தாசனம் பலன்கள் மற்றும் செய்முறைக்கு இந்தப் பக்கத்திற்குச் செல்லவும்.
7) விபரீதகரணீ
விபரீதகரணீ பலன்கள் மற்றும் செய்முறைக்கு இந்தப் பக்கத்திற்குச் செல்லவும்.
8) சாந்தி ஆசனம்
சாந்தி ஆசனம் பலன்கள் மற்றும் செய்முறைக்கு இந்தப் பக்கத்திற்குச் செல்லவும்.
தூக்கமின்மைக்கான ஆசனங்களான மேற்கூறப்பட்டுள்ள ஆசனங்களைத் தொடர்ந்து செய்து வர இரவில் ஆழ்ந்த உறக்கத்தைப் பெற்று புத்துணர்வோடு விடியலில் எழலாம்.
இரமா தமிழரசு
வணக்கம். yogaaatral-ற்கு உங்களை வரவேற்கிறோம். நான், யோகா சிகிச்சையாளர், SEO ஆலோசகர், எழுத்தாளர் மற்றும் மொழிபெயர்ப்பாளர். உங்களுக்கு செல்லப்பிராணிகளைப் பிடிக்குமென்றால் https://voiceofapet.blogspot.com/ என்னும் எங்கள் செல்லப்பிராணி வலைதளத்திற்கும் https://www.youtube.com/@PetsDiaryPages என்கிற எங்களின் YouTube பக்கத்திற்கும் உங்களை வரவேற்கிறோம்.
அமிலப் பின்னோட்ட நோய் (ஆசிட் ரிஃப்ளெக்ஸ்) தீர்க்கும் ஆசனங்கள்
அமிலப் பின்னோட்ட நோயால் பாதிக்கப்படுபவர்களின் எண்ணிக்கை சமீப வருடங்களில் மிக அதிகமாகி வந்திருக்கிறது. நோர்வேயில் எடுக்கப்பட்ட நீண்ட கால ஆய்வின் மூலம் அமிலப் பின்னோட்ட நோய் பத்து வருடங்களுக்கு முன் இருந்ததை விட 50
இருதய நலனைப் பாதுகாக்கும் 16 ஆசனங்கள்
யோகாசனம் பயில்வதால் ஏற்படும் நன்மைகள் குறித்து பல்வேறு ஆய்வுகள் உலகளவில் செய்யப்பட்டு வருகின்றன. அவ்வாறான ஆய்வுகள் மூலம் இருதய நலனைப் பாதுகாக்க யோகப்பயிற்சி உதவுவது நிரூபிக்கப்பட்டுள்ளது. இன்று இருதய நலனைப் பாதுகாக்கும் 16 ஆசனங்கள்
முதுகுவலியைப் போக்கி முதுகைப் பலப்படுத்தும் 24 ஆசனங்கள்
சமீப வருடங்களில் முதுகுவலியால் பாதிக்கப்படுபவர்களின் எண்ணிக்கை அதிகரித்திருக்கிறது. முதுகுவலி ஏற்படுவதற்கு பல்வேறு காரணங்கள் இருந்தாலும், பொதுவான காரணங்களில் ஒன்று இன்றைய வாழ்க்கைச் சூழல் உருவாக்கியிருக்கும் வேலைமுறை தான். என்னடா இது, எதை எடுத்தாலும் இன்றைய
