இன்று ஒரு ஆசனம் (35) – துலாசனம் (Scale Pose / Elevated Lotus Pose)

செய்முறை

• பத்மாசனத்தில் அமரவும். பத்மாசனம் செய்முறையை பார்க்க இங்கே click செய்யவும்.
• உள்ளங்கைகளை உடம்பின் அருகில் தரையில் வைக்கவும்.
• மூச்சை வெளியேற்றிக் கொண்டே கைகளை தரையில் பலமாக ஊன்றி, வயிற்று தசைகளை சுருக்கி, தரையிலிருந்து உடலை உயர்த்தவும்.
• 10 முதல் 20 வினாடிகள் இந்த நிலையில் இருந்த பின் பழைய நிலைக்கு வரவும்.

குறிப்பு

உடலை உயர்த்த முடியவில்லையென்றால், உறுதியான பொருள் அல்லது yoga block-ஐ தரையில் வைத்து அதன் மேல் கைகளை வைத்து உடலை உயர்த்தவும்.

தோள், மணிக்கட்டு ஆகிய பகுதிகளில் தீவிர பிரச்சினை உள்ளவர்கள் இந்த ஆசனத்தை தவிர்க்க வேண்டும்.

முட்டி, கணுக்கால் பிரச்சினை உள்ளவர்களும் இந்த ஆசனத்தை தவிர்க்க வேண்டும்.